Originaltext
FRNoch keine Übersetzung verfügbar. Der Originaltext wird angezeigt.
Farai un vers de dreyt nien
Non er de mi ni d'autra gen
Non er d'amore ni de joven
Ni de ren au
Qu'enans fo trobatz en durmen
Sobre chevau
No sai en qual hora'm fuy natz
No suy alegres ni iratz
No suy estrayns ni sui privatz
Ni no'n puesc au
Qu'enaissi fuy de nueitz fadatz
Sobr'un pueg au
Malautz suy e tremi murir
E ren no'n sai mas quan n'aug dir
Metge querai al mieu albir
E no sai cau
Bos metges er si'm pot guerir
Mas non, si amau
