Paroles de Las 7 Cabrillas

Las siete cabrillas pehechávapa Pyhare pyte yvate omimbi Mba'éntenimbo chemomandu'a Torýgui apuka cheañomi rei Ajesarekóvanteko che hese Ha'eténte chéve ku ovecha mimi Oguata joáva ñu hovy mbytére Iñasãimbahápe agosto poty Oguata joáva ñu hovy mbytére Iñasãimbahápe agosto poty Las siete cabrillas, Tupã rataindy Ahayhúva che chemitã guive ¿Mba'éiko ko'ág̃a la ndéve ojehúva Pe mokõi estrella ndehegui ogue? Aipapa che kuãre, cínconte atopá Mokõi nde yvotytýnimbo ojepo'o Añeporandúvo chejupe apyta Mamoitépane ha'ekuéra oho Añeporandúvo chejupe apyta Mamoitépane ha'ekuéra oho Upe pyharépe Tupãsy ahecha Che keguypeguáicha chemomarandu “Ku mokõi estrella nde rehayhuetéva Mokõi tesarã oime ojereru” Ha ne'irãiténte peteî trigueña Hesa jajaipáva cheresapepa Ha che ku tu'îicha pyhare opáyva Tataindy rendýpe hovái apyta Ha che ku tu'îicha pyhare opáyva Tataindy rendýpe hovái apyta Upete guivénte che tîndy aguatávo Ni upe ñasãindýre namañasevéi Ku música púicha che apysápe oiko Ha herakuemínte aropurahéi Ku música púicha che apysápe oiko Ha herakuemínte aropurahéi