Paroles originales
ITTraduction indisponible. Les paroles originales sont affichées.
Nun mme vuó' bene?
E dimme, comme mm' 'o ppuó' dí?
Tu si' guagliona,
ll'ammore nun 'o ppuó' capí.
Ch'aggi''a fá,
pe' me è destino.
Pe' st'uocchie belle
tanto aggi' 'a suffrí.
Pe' me tu si' catena,
pe' ll'ate si' Maria.
I' perdo 'a vita mia,
Maria, Marí', pe' te.
Tu nun mme dice maje,
maje na parola.
Dimme na vota sola "Te voglio bene"
e po' famme murí.
Tu cante e ride,
e mme turmiente 'a giuventù.
Io mme ne moro,
ma sempe 'a stessa rieste tu.
Mamma chiagne e,
a tutte ll'ore,
mme dice
"Figlio, nun 'a penzá cchiù".
Pe' me tu si' catena,
pe' ll'ate si' Maria.
I' perdo 'a vita mia,
Maria, Marí', pe' te.
Tu nun mme dice maje,
maje na parola.
Dimme na vota sola "Te voglio bene"
e po' famme murí.
Dimme na vota sola "Te voglio bene"
e po' famme murí!
