Farai un vers pos mi sonelh lyrics

Farai un vers, pos mi sonelh E, m vauc e m'estauc al solelh Domnas i a de mal conselh E sai dir cals Cellas c'amor de cavalier Tornon a mals Domna fai gran pechat mortal Qe no ama cavalier leal Mas si es monge o clergal Non a raizo Per dreg la deuri'hom cremar Ab un tezo En Alvernhe, part Lemozi M'en aniey totz sols a tapi Trobei la moller d'en Guari E d'en Bernart Saluderon mi simplamentz Per sant Launart La una, m diz en son latin E Dieus vos salf, don pelerin Mout mi semblatz de belh aizin Mon escient Mas trop vezem anar pel mon De folla gent Ar auzires qu'ai respondut Anc no li diz ni bat ni but Ni fer ni fust no ai mentaugut Mas sol aitan Babariol, babariol Babarian So diz n'Agnes a n'Ermessen Trobat avem que anam queren Sor, per amor Deu, l'alberguem Qe ben es mutz E ja per lui nostre conselh Non er saubutz La una, m pres sotz son mantel E mes m'en sa cambra, al fornel Sapchatz qu'a mi fo bon e bel E, l focs fo bos Et eu calfei me volontiers Als gros carbos A manjar mi deron capos E sapchatz agui mais de dos E no, i ac cog ni cogastros Mas sol nos tres E, l pans fo blancs e, l vin fo bos E, l pebr' espes Sor, aquest hom es enginhos E laissa lo parlar per nos Non aportem nostre gat ros De mantenent Qe, l fara parlar az estros Si de re, nz ment N'Agnes anet per l'enujos E fo granz et ac loncz guinhos E eu, can lo vi entre nos Aig n'espavent Q'a pauc non perdei la valor E l'ardiment Qant aguem begut e manjat Eu mi despoillei a lor grat Detras m'aporteron lo gat Mal e felon La una, l tira del costat Tro al tallon Per la coa de mantenen Tira, l gat et el escoissen Plajas mi feron mais de cen Aquella ves Mas eu no, m mogra ges enguers Qui m'ausizes Sor: Diz n'Agnes a n'Ermessen Mutz es, qe ben es conoissen Sor, del banh nos apareillem E del sojorn Ueit jorns ez encar mais estei En aquel forn Tant les fotei com auzirets Cen e quatre vint et ueit vetz Q'a pauc no, i rompei mos coretz E mos arnes E no, us puesc dir lo malaveg Tan gran m'en pres Ges no, us sai dir lo malaveg Tan gran m'en pres