मूल बोल
ITTranslation not available yet. Showing the original lyrics.
Rittu, rittu, o mulatteru,
Si piatta l’ultima stella!
Intoppa issu cavizzone
È fà una voce à muvrella,
Chjam’à turcu è à muvrone
Chì pascenu in l’arbicella.
Piglia subitu issa frusta
È la musetta pripara,
Piglia la bona pruvenda
Di la to mula più cara,
Accendi lu to lampione
Sinnò saristi à la fara.
Cerca umbasti è cavichjoli,
Ùn ti scurdà di la funa,
Quandi castagne in musetta
Ùn ne resta più manc’una,
Addirizza pà la machja
Anc’à lu chjar’di luna.
L’ochju versi u capimachja,
Quand’ellu pesa o misura;
À quessu tù mulatteru,
Paghi mese è facitura
Parchì quessu hà duie mani
Una piatta è l’altra fura.
Quandu ritorni la sera
Canta, canta o mulatteru:
Fà sente anc’à le to mule
Ch’invece di stu mistieru
Bramaristi di direge
Di francia lu ministeru.
