Vida Di Studanti के बोल

N labanta sedu n laba nha rostu Pa n infrenta mas un dia N labanta sedu n ruma nha bolsa Ke pa n ba skola Mas ka tinha kafe Ki fari dinheru pa n paga otokaru N pidi buleia, es fla-m ma sta xeiu Nha bariga baziu, pé na txom humm 7:45 inda na kaminhu N txiga atrazadu dimas Profesor nhu dexa-m entra N pasa noti ta le purisu n dura ki korda Profesor nhu dexa-m entra Tanbé n ka maxi nada na kaza Nha madrinha ta mora lonji Vida di studanti Ten txeu pa konta Vida di studanti Fidju di pobre é ka un mar di roza Kantu n txiga na sala Kel minina ki n gosta pidi-m sé fotokópia Burgonha da-m! Inda n ka faseba pamodi bolsu sta doeba Nha bariga koladu na kosta Sinu di intrivalu dja toka Só mi ki ka sai na rua N ata debi pon ki n toma onti Ora di sai dja da, koraji bai ka sta Forti sol sta kenti dimas Na kaminhu n ta pensa, n ta purgunta Deus Nha futuru é modi sen skola sen trabadju? Kantu n txiga na kaza, kumida ka ten Bariga sta duem, kabesa ta kema ku T.P. c pa n fazi Simestri dja finda, nha nota kubridu É propina ki n ka paga inda... N ba xinta la Ku nhas amigus pa n dizabafa, ke pa n xinti midjor Es fla-m keli tanbé é nos dor N ba sekretária marka audensia Dja n konta nha kordenador E fla-m skrebe karta pa Reitor mas Ami n ka ten konputador Ku kaneta ka kre tomadu Nha kolega nega pista-m N ba sekretária marka audensia Dja n konta nha kordenador E fla-m skrebe karta pa Reitor Konta tudu bu situason Mama sta duenti, papa sta bedju Nen reforma nem penson Si-u ka djuda-m n ka ta pode studa Vida di studanti Tem txeu pa konta Vida di studanti Fidju di pobre é ka um mar di roza Mas oji nha sonhu dja realiza Fe forsa, vitória, mi é finalista Mas oji nha sonhu dja realiza Fe forsa, vitória, mi é finalista