The Flowers O'the Forest 歌詞

I've heard them lilting at our ewe-milking, Lasses a-lilting before dawn o' day Now they are moaning on ilka green loaning The flowers o' the forest are a' wede away At bughts, in the morning, nae blythe lads are scorning Lasses are lonely, and dowie, and wae; Nae daffin', nae gabbin', but sighing and sabbing, Ilk ane lifts her leglin and hies her away At e'en, in the gloaming, nae swankies are roaming 'Bout stacks wi' the lasses at bogle to play; But ilk ane sits eerie, lamenting her dearie The flowers o' the forest are a' wede away We'll hear nae mair lilting at the ewe-milking; Women and bairns are heartless and wae; Sighing and moaning on ilka green loaning The flowers o' the forest are a' wede away