原文歌詞
NL翻訳はまだありません。原文を表示しています。
Ik luip even om 't hoes tou, toun kwam ik mien buurman tegen
Moi Hinnerk, man, wat was 't wat mit dij regen
Mit aal dij natten was 't veur de boeren 'n strop
Mor 't is weer dreug en wie kinnen toene weer op
refrain:
Zo moutve 't holden
Zo moutve 't holden
As 't aits kin
As 't aits kin
Ik ging lest noar Zoltkaamp, ik was der in joaren nait west
't Was twinteg joar leden, toun was ik doar veur 't lest
Mien laive tied, wat is 't doar mooi aan 't Lauwersmeer
En aal dij nije plannen vergeet ik laiver weer
refrain
Wat stonk ons woater vrouger voak bie haarfstdag
En ie waiten ook wel dat 't nait aan 'n bunzel lag
Toch wordt 't zo schoon dat elk en ain weer zwemt
Wel 't eerst vernemt, dij het 't zulf in 't hemd
refrain
De ain zegt "Grunnegers", de aander "boers"of "plat"
Mor 't dialekt zat toch wat op zien gat
Toch wordt der leste joaren nogal 'n bult aan doan
En as 't aan mie ligt zel 't nooit noar de bliksem goan
