原文歌詞
LA翻訳はまだありません。原文を表示しています。
Christus natus est nobis
Venite adoremus
Venite, exultemus Domino, jubilemus Deo, salutari nostro
praeoccupemus faciem eius in confessione, et in psalmis iubilemus ei
Christus natus est nobis
Quoniam Deus magnus Dominus, et Rex magnus super omnes deos
quoniam non repellet Dominus plebem suam
quia in manu eius sunt omnes fines terrae
et altitudines montium ipse conspicit
Venite adoremus
Quoniam ipsius est mare, et ipse fecit illud
et aridam fundaverunt manus eius
venite, adoremus, et procidamus ante Deum
ploremus coram Domino, qui fecit nos
quia ipse est Dominus Deus noster
nos autem populus eius, et oves pascuae eius
Christus natus est nobis
Hodie, si vocem eius audieritis
nolite obdurare corda vestra
sicut in exacerbatione secundum
diem tentationis in deserto
ubi tentaverunt me patres vestri
probaverunt et viderunt opera mea
Venite adoremus
Quadraginta annis proximus fui
generationi huic
et dixi: Semper hi errant corde
ipsi vero non cognoverunt vias meas
quibus iuravi in ira mea
Si introibunt in requiem meam
Christus natus est nobis
Gloria Patri, et Filio, et Spiritui Sancto
Sicut erat in principio, et nunc, et semper
et in saecula saeculorum. Amen
Christus natus est nobis
