原文歌詞
FR翻訳はまだありません。原文を表示しています。
La froidor ne la jalee
Ne puet mon cors refroidir,
Si m'ait s'a mor eschaufee,
Dont plaing et plor et sospir.
Car toute me seux donee
A li servir.
Ne sai consoil de ma vie
Se d'autrui consoil n'en ai,
Car cil m'ait en sa baillie
Cui fui et seux et serai.
Ensi, laisse! K'en puis faire,
Cui Amors justice et prant?
Ne mon cuer n'en puis retraire
Ne d'autrui joie n'atent.
Trop ont anuit et contraire
Li amant
Amors, per moult grant outraige
M'ocieis, ne sai por coi;
Mis n'aveis en mon coraige
D'ameir lai ou je ne doi.
Ma chanson isi define,
Ke joie ait vers moi fineir;
Car j'ai el cors la rasine
Ke ne puis desrasineir
