原文歌詞
GN翻訳はまだありません。原文を表示しています。
Oime la ñande raity pe amo ka'aguy po'ípe
Atechava'ekue kapi'ípe ha ipiro'ysã asy
Ijerére umi yvoty ndejoguaha memetéva
Ha oime ku iporãitéva rosa pytãite poty
Jahána upépe jaiko, katuete pype revy'áta
Mba'éichaiko che aháta aiko che añorei
Rehótamante avei che rayhúrõ añetehápe
Jaikóne tory vy'ápe ñaneaño mokõimi
Ko'árupiko heta mayma gente iñañáva
Ha'ekuéra ku oipotáva jajei ojoehegui
Hi'ãgui chupe ombyai pe mborayhu iporãitéva
Ñandéko jajoayhuetéva ndaikatúi jajopoi
Ajépa, Lidia Mariana, oime ku Adán ha Eva
Ha'ekuéra ku ojoayhuetéva, ikatu ñandéicha peve
Umía ñande ypykue ou va'ekue mundopýpe
Ko'ág̃a péina hasýpe oî la hekoviare
