Such a Parcel o Rogues In A Nation 가사

Fareweil tae aa our Scottish fame Fareweil our ancient glory Fareweil e'en tae our Scottish name Sae famed in martial story Nou Sark rins ower the Solway sands An Tweed rins tae the ocean Tae mark whaur England's province stauns Sic a parcel o rogues in a nation! What force or guile could not subdue Thro many warlike ages Is wrocht nou by a coward few For hireling traitor's wages The English steel we could disdain Secure in valour's station But English gold has been our bane Sic a parcel o rogues in a nation! O wad, ere I had seen the day That Treason thus could sell us My auld gray heid had lain in clay Wi Bruce an loyal Wallace But pith an pouer, till my last hour I'll mak this declaration - We're bocht an sold for English gold Sic a parcel o rogues in a nation!