원문 가사
GN번역이 아직 없습니다. 원문 가사를 표시합니다.
Amombe'uségui porã rerekóva
Péina ambojojáta che mbaraka sã
Aropurahéivo, Teresa, nde réra
Tohendu maymáva ñane retãgua
Mávapane ndéicha yvoty okára
Ku ipo'osepýva opa araite
Ndéko ha'e hína porã paha jára
Paraguái yvága mbojeguahaite
Ndaha'éi chañónte ahecharamóva
Pyhare omimbírõ jasy rekovia
Ojoykeremínte nde tyvytakuéra
Ha mokõi lucero umi nde resa
Oguerohorýgui amambái rokýpe
Pe nde ropeáre ojerokypa
Mainumby oikóva umi yvotytýre
Primavera oikévo ndéve neañuã
Nde rova yképe ku ojekuaáva
Ku iporãitéva clavel pytãite
Reñe'ê javérõ katu rosa Francia
Okukuireíva hyakuã porãite
Upeicharupíko oikóva nde réra
Ku mbarakapúpe ojepurahéi
Teresa oje'érõ neañomínte hína
Omboguepaitéva ko che mbyay'uhéi
