Open 가사

An pa manti An pa jen konprann on ti kozé té méné nou la Ès nou té dèstiné a kontré nou Ès lanmou an nou té ja ka bo avan kò an nou mannyé yo Ès kò an nou rété an dé mo kozé pannan tousa tan é nou paka sonjé An té gadé adan zyé a-w, é an vwè tout landèmen an mwen Ou té di mwen an sé ta-w é ou sé tan mwen Ou té on vyolonis é ou té ka jouwé èvè mwen konsi an té pli bèl enstriman a-w Ou méné mwen dé koté an pa jen imajiné Ouvè zyé a-w… gadé mwen… Gadé mwen byen Ola promès k'ay, lè yo pa ka kenbé Ola lèspwa k'ay, lè an pé pa vwè jou wouvè An ka mandé mwen si tousa té byen vré Pétèt an enmé-w two fò Pétèt ou arété vwè mwen menm jan-la Pétèt nou ké routouvé nou é roupati pli fò ankò Pétèt… Lanmou-la yenki… bout An ka mandé mwen si tousa té byen vré Doulè an mwen ka sanm on komansman an men a-w É an ka mandé mwen toujou Ès nou té dèstiné a kontré nou Ès lanmou an nou té ja ka bo avan kò an nou mannyé yo Ès kò an nou rété an dé mo kozé pannan tousa tan é nou paka sonjé An pa manti An pa jen konprann on ti kozé té méné nou la