원문 가사
EU번역이 아직 없습니다. 원문 가사를 표시합니다.
Itzal baten urratsek
Isilarazi ditu
Gauaren hasperen hotsak;
Iheslariaren arnasestuak
Beldur lotsatiz bete ditu
Basoko zidor laiotzak.
Korrika doa mundutik ihes,
Bere begiek isurtzen duten
Malko bakoitzaren baitan
Oroitzapen mundu zabala
Anpuluen itsasora.
Orain iraganeko itzal bat da.
Gaua da bere mundua,
Izkutua bere babesa.
Haizeak bakarrik daki
Boladan eramandako malkoen jatorria;
Ilargiak bakarrik
Gerizpearen lorratzek
Noiz amaituko duten bere bidea.
Korri iheslari,
Zoaz gauaren babesean.
Bere mantu beltzak zaitu zainduko,
Eta ametsen ortzemugaren heltzean
Izar berri bat dizu zeruan piztuko.
