Tō Aroha 가사

Mei kore ake koe kua kore ahau He uri whakatipu mai mātou E kore rawa aku rau e maroke i te rā Ka tū tonu ahau He tina ki runga He tāmore ki raro Ko koe tēnā Mā tō aroha au e ārahi Toku koroua Ko koe he tōtara I te Wao Nui a Tāne Moe mai rā E te rangatira Auē te aroha Kia tūtaki anō tāua Toku koroua Auē te Aroha He momo whakaheke te kanohi nei Koirā te take i tapaina au ki a koe He kāpeka ahau nō tō rākau Ka uaina e kore e whati He tina ki runga He tāmore ki raro Ko koe tēnā Mā tō aroha au e ārahi Toku koroua Ko koe he tōtara I te Wao Nui a Tāne Moe mai rā E te rangatira Auē te Aroha Kia tūtaki anō tāua Toku koroua Auē te aroha Auē