Hey Menina (feat. Beto Duarte) 가사

Minina, nton, N ten kusa pa N konta-bu Ka bu intia-m nau, fla mantenha ka pekadu En primeru lugar, nha padrinhu é delegadu E nha donu kantu ki móri dexa-m 60 kabesal baka Ben la di la k'é pa N fla-u ma mi dja N kre-u Ma mi gó N ten sertéza ma un dia bu ta ser di-meu Séu é grandi, mundu é largu, satisfason algen ta dadu N ka ten karu, N ka ten kasa, ma N ten dinheru mas ki morgadu Minina, ka bu injuria-m sima bu ta odja-m matxikadu ka ngana-m Ben la di fóra, pé na txon korason na mô La undi N mora nunka falta un pon Hey, minina, bu ka ta imajina Modi ki N meste-u, modi ki mi N kre-u Ami é un gaju, ami é un ómi ki di da gó dja N ka da N ka ta pasa na djentis grandi sen kunprimentu di nha rasta N ta kontinua ta prokura pa disizon di kel minina Dja N fronta N ka sta guenta, nton, minina, ave Maria Na buska na kati-kati, N kai di kabalu gó ontordia Deus paga beleza di kel minina ki limia-m kandia Kada ves gó ki N da un pasu pa frenti N da dos pasu pa tras, N da un pasu más kenti Aprosima na da bu tras Hey, minina Mi N meste-u é ka so na kama Bo k'é nha primera dama Nha kretxeu, mi N meste-u na kasa Mi N meste-u na prasa N meste-u na bera-mar na noite di luar Mi N meste-bu na tudu lugar Hey, minina N meste-u, baby, juntu ma mi Gósi li pa vida interu N meste-u, baby, juntu ma mi Gósi li pa un amor verdaderu N meste-u, baby, gósi li juntu ma mi pa vida interu N meste-u, baby, gósi li pa un amor verdaderu Hey, minina