Che képe guare lyrics

Añandu porã ko che korasõme hasy chekutúva Rohecha che képe chemyengoviaha voi asyete Apáy apu'ã, anga chejupe añeporandúva Oimépa añete péicha rejapo, nde, che yvotymi Mba'etehag̃ua asê aguata upe ka'arúpe Ha ko che ñe'ã itarovaite, nderehe hi'ãho Añandu hasy asy chekutúva ko che ãngakuápe Ku che rembiayhu ahejava'ekue cherehe oguapy Ikatu nga'u reñandu avei ko che añandúva Rehechahag̃ua tuicha mba'eha upe mborayhu Hípoku ko oiméva nemandu'a ko nderayhuháre Ha chéanga ápe arojahe'o che képe guare Oiméne ovy'a maymáva ambue mante nderecháva Ndoikuaái hikuái mombyrýva oîva nderechaseha Nderopurahéiva, nderojahe'óva imbarakapúpe Ha márõ ni upéicha ndopíri chugui ko techaga'u Ka'arupytûvo che'ãho mante nderehe, che áma Ndaikuaáiko che ndépa cherayhúvapa gueteri Mombyry aîgui hi'ãnte aveve ajami nde ypýpe Rohupi che pópe rombojeguapávo, che tupãsymi Ikatu nga'u reñandu avei ko che añandúva Rehechahag̃ua tuicha mba'eha upe mborayhu Hípoku ko oiméva nemandu'a ko nderayhuháre Ha chéanga ápe arojahe'o che képe guare