Deuil Angoisseux lyrics

Doulçour, bonté, gentillece, Noblece, beaulté, grant honnour, Valeur, maintien et sagece, Humblece en doulz plaisant atour, Conforteresse en savour, Dueil angoisseux secourable, Acueil bel et agreable. Flour plaisant, de grant haultece Princece, ma prisiée amour, Tour forte noble fortresse, Largece en honneste sejour, Deesse, estoille, cler jour, Oeil, mirouer aimable, Acueil bel et agreable. Coulour fine, vraie adrece, Tresce blonde, et bonne oudour, Ardour, souesve simplece, Parece sanz nulle foulour, Lucrece de simple cremour, Brueil de soulas delictable, Acueil bel et agreable. Maistresse loyal, ma tenrour, Leesse plaisant, ma doulour, Vueil dire a vous trés louable Acueil bel et agreable.