Original lyrics
ENHer daddie forbad, her minnie forbad;
Forbidden she wadna be:
She wadna trow't, the browst she brew'd
Wad taste sae bitterlie!
ch. The lang lad they ca' Jumpin John
Beguil'd the bonie Lassie!
The lang lad they ca' Jumpin John
Beguil'd the bonie Lassie!
A cow and a cauf, a yowe and a hauf,
And thretty guid shillins and three:
A vera guid tocher, a cotter-man's dochter,
The lass with the bonie black e'e.
