Fika Txeu Sodadi (part. Jonatthon) lyrics

É lei di vida nos tudu nu ben pa bai Dia pasa ma fixa t'inda ka kai T'inda N ka xinti koráji txoma nha mai T'inda N ka seita ma mórti toma-m nha pai Ka ten sidu nada fásil óki txiga noti Korason ta txora ti N ka pode N ka pode odja nha pai pamó N sa lonji N ka pode nen dispidi Diós pamodi Korason ten mágua, láguas ka ta para Mi so déntu nos kasa sufokadu na lenbransa Bu ritratu móda faka, bo é nha mundu, oxi e kaba Fika un nó na nha garganta na nos últimu xamada N ka kis txora pa-u ka nota, nen N ka fla-u mó ki N t'ama-u N ka konsola des kes txoma es fla ma mórti dja leba-u O ténpu vólta pa N ka doda, fika txeu kusas pa N fla-u A! Papa Fika txeu sodadi, fika txeu sodadi Fika un vaziu grandi, N fika sen nha grandi Ka ten distánsia ki ta fase-m skese-u Ti fin di ténpu mi N ta lenbra di bo Nha korason dja txora té ki ka kre, ta duê N ta fase tudu sima mi N promete-u N ta kanta altu k'u t'obi-m la di séu Pa-u xinti orgulhu di mininu k'u ten Djobe pa nos sénpri sima bu fase-l Falta-m komesa, sen sabe mó N ta pega Fala-u di korason Kosminhu papa mó k'u dexa Ómi é fórti ka ta perde, ma ma fazis li ta pasa Madrugada ti mi skreve, korpu râpia, láguas baza Papa, oji N ta txora pa bo Madrugadas ka ta pasa mi N ta txora pa bo Korason na mil padás, prubulémas li k'u skrebe Ta due-m sabe ka odja más i konta mundu kel ki N tene Fika txeu sodadi, fika txeu sodadi Fika un vaziu grandi, N fika sen nha grandi Ka ten distánsia ki ta fase-m skese-u Ti fin di ténpu mi N ta lenbra di bo Nha korason dja txora té ki ka kre, ta duê N ta fase tudu sima mi N promete-u N ta kanta altu k'u t'obi-m la di séu Pa-u xinti orgulhu di mininu k'u ten Djobe pa nos sénpri sima bu fase-l Riba pédra frenti kaza, mi xintadu róstu baxu Dór ta parse ka ta pasa, txora déntu pa ka odjadu N ka ta perde nha kaminhu, anda sénpri mó bu fla Róstu riba, forsa primu, korason tamanhu mar Hum, hum, hum-hum, hum, hum-hum-hum Hum-hum, hum-hum, hum-hum Fika txeu sodadi, fika txeu sodadi Fika un vaziu grandi, fika sen nha grandi Ka ten distánsia ki ta fase-m skese-u Ti fin di ténpu mi N ta lenbra di bo Nha korason dja txora té ki ka kre, ta duê N ta fase tudu sima mi N promete-u N ta kanta altu k'u t'obi-m la di séu Pa-u xinti orgulhu di mininu k'u ten Djobe pa nos sénpri sima bu fase-l