Che Rendumíntena, Lidia şarkı sözleri

Ymaite guivéma, Lidia, rohayhu kirirîhápe Ha nda'évai avavépe ndaipotáigui reikuaa Ndepochýramo g̃uarã ha aiko py'a angatápe Péinako kyhyjepópe purahéi ndéve aipyaha Ndavy'áinteko, kamba, mamove ko yvy ápere Ndatopávai aikoháre ahayhúva ndeichaite Pévare ajerure ndéve ko che purahéipe Cherayhuhag̃ua ndave michîmi amano mboyve Ag̃uahêne amo yvápe mbyjakuéra oikoháre Ahechárõ nde resápe kunu'û chéve g̃uarã Ha iporãva mborayhu taipoty ne korasõre Ha che ku tory, vy'ápe taipo'o chemba'erã Che rendumíntena, Lidia, che purahéipe ha'éva Ta'ekuaa che ahasáva rohecha ypy guive Pyharérõ ndakevéi, ahenóiva pe nde réra Aipotágui opa ára opytu'u che korasõ