اصل بول
DEترجمہ ابھی دستیاب نہیں۔ اصل بول دکھائے جا رہے ہیں۔
Manche Lück, die schwade, un dat deit esu wih
Dat, wat typisch Kölsch wor, jitt et bal nit mih
Selvs die Orijinale sterven langsam us
su wie die Fassad vun manchem ahle Hus
Un dat deit jedem Kölsche wih
jo dat deit jedem echte Kölsche wih
Verjänglich es de Freud un verjänglich es et Leid
verjänglich es et Jlöck, su wie Maach un Herrlichkeit
Sujar dä kölsche Klüngel, dä es nit mih, wat hä wor
nur eines, dat bliev emmer do
Denn su lang e Dröppche vum kölsche Bloot
noch e Kinderhätzje kloppe löss
weed et wiggerjonn, wenn mer zesammestonn
dann weed Kölle nie ungerjonn
weed et wiggerjonn, wenn mer zesammestonn
dann weed Kölle nie ungerjonn
Adenauer, Ostermann un die Müllers Aap
Trude Herr, Horst Muys un sujar die Rossas Plaat
dä Zimmermann, dä Millowitsch met ihrer Eijenaat
die han uns Stadt am Rhing doch su levvenswät jemaht
Un dat deit jedem Kölsche joot
e Stück dovun, dat hammer all em Bloot
