اصل بول
PTترجمہ ابھی دستیاب نہیں۔ اصل بول دکھائے جا رہے ہیں۔
Pejéna chéve mamópa oiméva ahayhuetéva kuñataî,
pejéna chéve ndapehecháipa, ndapeikuaáipa che yvotymi.
Na’ymaitéiko oikohaguémi tory me’êmi ika’avo,
ãga aréma ndahechavéiva, ndaikuaavéiva mamópa oho.
Che mandu’ánte pyharevérõ ha’émi osêrõ opurahéi
óga yképe yvotytýpe, ku angapyhýpemi ndachevéi.
De tres pendientes inamichãimi ha pe hyãkuãmi katu yvoty,
hovapytãmi ijeheguimínte, pynandimínte ha ijuky.
Pe ijajúri mbo’y hepýva vera hendýva ojuasasa,
kuairû ramales umi ikuãre ha pe iñakãre kygua vera.
Ndapehecháipa mamópa ohóva chemo’ãhóva che rembiayhu,
che cheku’íva ko yvy apére hapykuerére aporandu.
Typói jeguámi ao po’ígui ku ñandutígui hyjúi asy,
takate’ỹme pype oñomíva hendypumíva tembetary.
Amomorãmi he’ê asyvégui eíra saitégui ipukavy,
ha pe iñe’ême ombyesaitéva ku iñañaitéva jepy’apy.
Ikambuchípe jazmín, romero ha’émi osérõ y piári oho,
ykua rapére puka pukúpe che mborayhúpe ohaitypo.
Kokuépe ohórõ tory, vy’ápe, hi’avakuápe ku yvoty.
Ikypy’ýndi oho javérõ, mokõi lucero vaicha oguejy.
Tove mba’éna moliendahápe ku vy’apápe toñomoirû.
Tekopotîme ha’e omyasãimi ha omohyakuãmi pe mborayhu.
Ndahechavéigui ñeporandúpe opa yvytúpe hi’ã ajoko.
Pejéna chéve ndapehecháipa, ndapeikuaáipa mamópa oho.
