اصل بول
GAترجمہ ابھی دستیاب نہیں۔ اصل بول دکھائے جا رہے ہیں۔
An ataireachd bhuan
Cluinn fuaim na h-ataireachd àird
Tha torunn a'chuain
Mar chualas leams' e nam phàisd
Gun mhùthadh, gun truas
A'sluaisreadh gainneamh na tràghad
An ataireachd bhuan
Cluinn fuaim na h-ataireachd àird
Seileach is luachair
Cluaran, muran is stàrr
Air tachdadh nam fuaran
'S an d'fhuair mi iomadh deoch-phàitht'
Na tobhtaichean fuar
Le bualan 's cuiseag gu'm bàrr
'S an deanntagach ruadh
Fàs suas 's a' chagailt bha blàth
'S na coilltean tha siar
Chan iarrainn fuireach gu brath
Bha m'inntinn 's mo mhiann
A-riamh air lagan a' bhàigh
Ach iadsan bha fial
An gnìomh, an caidreamh, 's an àgh
Air sgapadh gun dìon
Mar thriallas ealtainn ro nàmh
Ach siùibhlidh mi uat
Cha ghluais mi tuilleadh nad dhàil
Tha m'aois is mo shnuadh
Toirt luaidh air giorrad mo latha
'S an àm dhomh bhith suaint'
Am fuachd 's an cadal a' bhàis
Mo leabaidh dèan suas
Ri fuaim na h-ataireachd àird
