Blantyre Explosion 歌词

By Clyde's bonnie banks as A sadly did wander Amang the pit heaps as evenin drew nigh; A spied a young lassie aa dressed in deep mournin A-weepin an wailin wi mony's the sigh. A stepped up beside her an thus did address her: "Come tell me the cause o yer trouble an pain." Sabbin an sighin, at last she did answer "Johnnie Murphy, kind sir, wis ma ain true love's name." "Twanty-wan years o age, fu o youth an guid lookin Tae wark doun the mine at High Blantyre he came, The weddin was fixed, aa the guests were invited That calm simmer's evenin young Johnnie wis slain." The explosion wis heard, aa the women an children Wi pale anxious faces thae haste tae the mine. Whan the news wis made out, the hills rang wi thair mournin A hunderd an twanty young miners were slain. Nou sweetherts an wives an sisters an brithers That Blantyre explosion thae'll never forget; An aa you young miners that hears ma sad story Shed a tear for the miners wha're laid tae thair rest.