原文歌词
CO暂时没有翻译，当前显示原文歌词。
Aghju in core cum'è una casuccia
Quandu l'ora ti ci purtarà
Ci aghju sì cum'è una lumeruccia
È s'è nimu ti pò cunsulà
Aghju in core una carezza in più
Pè i ghjorni ch'è tù pienghji tù
Aghju in core nantu à l'altru latu
U curagiu chì mi mancarà
U to nome chì ci s'hè calatu
D'altri sogni pè ricumincià
Aghju in core una sperenza in più
Pè i passi ch'è tù cerchi tù
Aghju in core cum'è un paisucciu
S'è tù voli puderemu andà
Nantu à l'onde cum'è un battellucciu
S'è tù credi d'ùn pudecci stà
Aghju in core una canzona in più
Pè quand'è tù ghjunghjerai tù
Sò sicuru ch'ellu ùn bastarà
Pè l'amore ch'è tù mi voli dà
Sò sicuru ch'ellu ùn bastarà
Pè l'amore ch'è tù mi voli dà
Aghju in core una canzona in più
Pè quand'è tù ghjunghjerai tù
Aghju in core d'altri lindumani
È issa voce chì m'aiuta à dì
A memoria di i paisani
Cum'è un libru chì ghjè scrittu quì
Aghju in core una risposta in più
Pè i ghjorni ch'è tù ùn poi tù
È issu cantu chì ùn ne pò finì
Pè l'amore ch'è tù mi voli dì
È issu cantu chì ùn ne pò finì
Pè l'amore ch'è tù mi voli dì ...
