La de La Escuela 歌词

Tamos en un día cualquiera Allá n'os años sesenta Llevantastite tempranu Tenís que dir pa la escuela Pluma, tinteru y pizarru Metíos n'una fardela Son les nueve la mañana y vas pe la carretera Tira el aire les castañes y cae alguna gotera Abrió la puerte el maestru y entra tó la reciella quedaron to les madreñes debaxo la escalera Había que santigüase al empezar la tarea Y cuando pasen la llista alces la mano derecha "Presente y arriba España" dixisti de esa manera No hai naide que traiga chándal O cosa que se y paeza Si no unos pantalonzucos Con remiendos n'a culera Y traes un puñau boliches Metíes n'a faltriquera Y cuando llega el recreu Y no acabasti'l poblema Llevaste unes molleyaes Y estiráronte una oreya Los ríos y les montañes Nun te entren bien n'a mollera De xugaores de futbol Tienes la cabeza llena Sabes les allineaciones Hasta la del Pontevedra Cuantes veces te dixeron Que la pluma nun se apierta Por calcar muncho esparnote Y emborronasti la mesa Fuiste pa casa y comisti Les fabes con mucha priesa Vienes goliendo a chorizu Y rutiando la morciella Ni pa llimpiar el focicu Tuvisti tiempu siquiera De tardi toca dibuxu Que ye lo que más me presta Con papel y un llapiceru Pues pintar lo que tu quieras