Konsiénsia 歌词

Penunbra dja nvadi-m spritu Láguas intxi-m na petu Nha gritu ki dura mudu Nos fraternidadi surdu Ngatxadu na ndiferénsa Nu odja kuza stranhu Txeu d'es éra tristi Nu ka fazi nada i senpri nu sisti Nada i senpri nu sisti A! konsiénsia Nha konsiénsia, ka bu durmi más ki si Korda pa N pode riaji Konsola txoru maguadu Labanta nu ben muda mundu! A! konsiénsia Nha konsiénsia, ka bu durmi más ki si Mostra-m óra di kel abrasu Djunta-nu pa nu buli mundu! Ka bu dexa-m sima saku baziu Sima pédra paradu na fundu des riu Toma-m konta kabésa, oi Pa sangi subi-m na korpu! Nha gritu pa justisa E kanta pa igualdadi S'é pa N txora njustisa, oi Txa-m kanta pa igualdadi I manifesta pa liberdadi A! konsiénsia Nos konsiénsia toma-nu konta kabésa Oi, pa nos tudu ben korda I alkansa umanidadi, oi Pa nu vivi k'umanidadi A! konsiénsia Nos konsiénsia toma-nu konta kabésa Oi, pa nos tudu ben korda I alkansa umanidadi, oi Pa nu vivi k'umanidadi