Um Minute D'silencie 歌词

Bo tmá kaminhu di stréla Bo dixa mundu di dor Bu uni pa sénpri bos kapéla Bo konverte-m nun sofredor Bo ngana-m na kel dia Ke bo dose miludia bo da-m konsolason Fká margin notru dia, mi xei d'aligria, N ba tmá bo benson Foi un spónte grande kónde es dzê-m ke bo bai sin dispdi Bo txa-m so rekordason Bo éra kiride, bo éra kunxide Sima un grande stréla luminos la na séu Éra un sertéza na bo, sabura di fésta na bu mô Na son di Mimoza, bo instrumente ke bo ama txeu Ta na nha ideia, kes noti lua xeia Kel serenata de lar en lar Inda N t'uví na janéla Kel son tan dose di bo viulan Kel xoradinha na note de lua i stréla Mi N ka kre sei des iluzan Inda N t'oia bu imájen ta txiga di viájen Kansóde ma tude konténte Dipos dun grande note d'arkada Asves sen ganha nada, so p'alegrá tude jente Mi N ka ta lenbrá de ter uvide bo dzê kma nau So N ta lenbrá bo paixan Kónde pa kasamente, na son de bo viulin Kunpanhóde pa vióla, kavakin ma violan Noiva ta txorá, junte ma Mimoza Debóxe de barul de fugete, debóxe de murmur de multidan Sónts éra bo nóm, bo do-m bo dixa-m N ta lenbró-be pa iternidade Sónts éra bo nóm ke inda ta limenta-m Pa bo memória N ta pidi Un minute silense