Morna De Bejiça 歌词

Bidjisa é un amóstra sértu pa nu konta ku mórti pértu Ma sol di ntardiser di idadi Sol brandu é sol di sodadi Sol brandu ka ta kemá péli di róstu di nha kretxeu Sol brandu el é sol di gostu pa ta lumia-nu pórta di séu Amor é kel ki ama ku gostu Na bóka mel, lébi na petu Amor é mar kuandu el sta mansu Jeme ku gostu, ama na diskansu Mar mansu é kel mar di nada Mar bradu é kel mar di mata Amor, ai! Kuandu el é mar bradu Si el ka mata, el ta dirubadu Amor dipos di un sértu idadi Kuandu el xinta ku kunpanheru Ningen ka ta ergê prumeru Sen ki tude dor mata sodadi Xinta djuntu, labanta djuntu Es é k'é sábi, es é k'é dretu Xinta ku amor, goza ku asuntu Korason lébi, grasa na róstu Kretxeu é na dibagarinhu Na pas, na grasa, na djitinhu Amor, pa bu xinti-l se gostu É na sonbrinha di sol postu Mas kuandu el é di barbaton É sen valor, sen ton nen son Nha fidju, obi, obi un konsedju Amor más dósi é amor di bédju Mas kuandu el é di barbaton É sen valor, sen ton nen son Nha fidju, obi, obi un konsedju Amor más dósi é amor di bédju