A Dos Nenos 歌词

Un nenín pequeñu Llora abrazáu a so madre Llantos y allaríes Gritos que corten l'aire Y hai otru hermanu más grande Que pregunta por so pá Pasa algo raro en so casa Pero naide-yos diz ná ¿Cuándo vien mío pá? Yo quiero que venga de trabayar ¿Ónde ta mió pá? Yo quiero que venga conmigo a enredar Güei pasó algo gordo Nun los mandaron pa escuela Ta mui seriu'l güelu Ta como lloca la güela Ta enllenándose la casa De parientes y allegaos Con eses cares tan llargues Y los güellos enritaos Lleguen corones y ramos (Y de flores ta tremao) ¿Cuándo vien mío pá? Maldita la mina Que cambia trabayu Por cachos de vida Maldita la mina Que trae'l dineru Y trae la ruina Faltóte esa suerte Qu'a veces tenemos Dexasti'l pelleyu Una viuda y dos nenos Mal día y mala suerte Los nenos entruguen Y nun hai respuestes ¿Cómo hai qu'esplicalo Con qué tactu, con qué tientu? Cuénta-y tu a esos nenos Que so padre ta nel cielu Cuando te miren de frente Y quédense arremellaos Cuando abaxen la cabeza Llorando desconsolaos ¿Cuándo vien mío pá?